- 24 -

1304. Dez. 23. Breslau.

Heinrich, Bischof von Breslau, thut seinem General-Vicar (Jacobus), seinem breslauer Official (Conradus), dem Pfarrer der Marien-Kirche in Liegnitz, Johann und andern Geistlichen kund, dass Leonardus, Pfarrer der Peters-Kirche zu Liegnitz nicht für der gegen die canonischen Satzungen von den Rittern Nicolaus von Eycholz und Jacobus Swenciz wegen des von ihnen dieser Kirche schuldigen Decems vor fremde Gerichte gezogen werden dürfe und verheisst die Entscheidung dieser und anderer Streitpunkte in seiner Curie erfolgen zu lassen.

Heinricus dei gracia episcopus Wratislauiensis dilectis in Christo fratribus, dominis generali suo vicario officiali suo Wratislauiensi, domino Johanni plebano ecclesie sancte Marie in Legnicz suoque Wratislauiensi canonico, necnon et aliis ad quos praesentes perueniunt: salutem cum sincera in domino caritate. Intelleximus domino Leonardo plebano de sancto Petro de Legnicz nobis cum querimonia referente, quod Nicolaus de Eycholcz et Jacobus Swenciz non alia de causa ipsum hinc inde ad diuersos judices et ad loca diuersa pertrahunt et fatigant nisi quod eundem et suam acclesiam iam praedictam decimis de agris ipsorum sibi debitis defraudare nituntur vnde nos attendentes quod ecclesie et ecclesiarum ministri iuxta sanctiones canonicas non debeant suis iuribus defraudari, attendentes etiam quod non sit maliciis hominum indulgendum, tenore praesencium districcius prohibemus, ne praedictus dominus Lleonardus, quem quo ad hoc eximimus eoram vobis, domino vicarie generalis et officialis nostri, uel quocunque alio iudice a vobis uel a nobis etiam delegato, occasione praedictarum decimarum per quemcunque amplius tralii possit siue etiam conueniri, non obstantibus commissionibus uel prohibicionibus racione decimarum praedictarum ante factis per nos uel quemcunque, non obstantibus etiam aliis litteris nostris, si que post concessionem praesencium forsitan emanarent que de hijs plenam et lucidam eon facerent mencionem quas omnino decreuimus irritas, subrepticias et inanes. Ne tamen iustitiam negligere videamur, si quis contra praedictum dominum Lleonardum plebanum, occasione dictarum decimarum de agris Nicolai militis et Jacobi praedictorum, aliquid questionis habeat, parati sumus in nostra curia de hoc ac de alijs etiam cuilibet prosequenti iusticiam exhibere. In cuius rei euidenciam pleniores praesentes litteras memorato sub sigillo nostro maiori dari iussimus. Datum Wratislauie X kalendas Januarii anno domini millesimo tricentesimo quarto.

L. Arch. Act. No. 242. IV. p. 18.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866